URXENTE!! [Pontevedra] Hoxe 7 às 19:00′ Concentración diante do Hospital Provincial en solidariedade con Javi en Folga de Fame e Sede Indefinida

O Grupo de Apoio a Presxs en Loita Galiza Sur- CACT (Coordinadora Anticarcelaria Cárcere=Tortura) nos enviou un seu correo con esta convocatoria solidaria e contando a preocupante situación actual de Javi, en folga indefinida de fame e sede e ingresado no hospital provincial de Pontevedra tras perder máis de 11 kilos e serlle diagnosticado principios de hipoglicemia e fallo renal

Dibujo

Javi Guerrero Carvajal en folga de sede dende que cumplió 22 días da súa folga de fame que comenzara na noite do 12 de decembro no cárcere de A Lama en protesto por terlle negado o permiso ò que tiña direito

Mudamos de ano pero para o preso Javier Guerrero Carvajal non mudou nada, continúa a súa folga de fame e engadiú a folga de sede a súa protesta (1) contra as decisións arbitrarias e crueis da administración penitenciaria e polo trato degradante e torturas a poboación reclusa (2).

Hoxe cúmprense 25 días da súa folga de fame e 4 da súa folga de sede (que comenzou en 3 de xaneiro). Despois da promesa incumprida por parte da subdirección de seguridade de quitarlle o parte polo que lle suspenderan o permiso que tiña concedido para o pasado 30 de decembro, a situación segue igual, ou pior aínda se atendemos ao seu grave estado de saúde que padece despois de tantos días sen inxerir alimentos e sobretodo polos días que leva sen beber, o que empiorou a súa situación sanitaria na que se atopaba previamente, xa mermada polas secuelas que lle deixaran outras dúas folgas de fame que fixera anteriormente.

Pesa case 11 kilos menos e xa ten principios de hipoglicemia e fallo renal segundo as últimas análises que lle fixeron na enfermaría da prisión, por eses motivos en 5 de xaneiro foi trasladado ao Hospital Provincial de Pontevedra

É evidente a crueldade da administración cando é capaz de suspender un permiso en fin de ano a alguén por non levar etiquetado un discman. Primeiro coaccionan às testemuñas do sucedido, para rematar trasladando a Javi a un outro módulo. Agora a dirección da prisión pretende trasladarlo a Sevilla.

Así, o cárcere crea un problema onde non o había, instrue partes de sanción ilegalmente e cando hai protesta se coacciona às testemuñas e intimídase ás persoas abusando do seu poder. No momento no que comenza a facerse pública a súa situación, queren desfacerse do problema trasladando à persoa presa; ao tempo que o xulgado de vixilancia penitenciaria fai caso omiso do problema e non atende as queixas das persoas cuxos dereitos debería protexer.

Dende o Grupo de Apoio a Presxs en Loita Galiza Sur- CACT (Coordinadora Anticarcelaria Cárcere=Tortura) pedimos o máximo apoio para Javi e a máxima difusión do desesperado acto de protesta que está realizando.

Exiximos:

– Se lle retire o procedimento sancionador iniciado.
– Se lle retorne, na máxima brevidade, o seu dereito ao permiso ordinario ao que tiña dereito.
– O cese das coaccións e torturas psicolóxicas e físicas às que son sometidas as persoas presas que actúan para defender os seus dereitos.
– o exercicio efectivo do control xudicial à administración penitenciaria en materia de seguridade e réximen.

O actuar despótico no cárcere de A Lama é xa de dominio público, claramente contrario aos dereitos humanos. Contundente debe ser o apoio aos e às que defenden às persoas que están en situación de maior vulnerabilidade.

CHAMADAS E ENVIO DE FAXES AO CARCERE DE A LAMA
FAX: 986758011
TELEFONO: 986758000

FAGAMOS QUE JAVI SINTA O NOSO APOIO, ESCRÍBELLE:

JAVIER GUERRERO CARVAJAL
CP A LAMA
MONTE RACELO S/N
36830 A LAMA (PONTEVEDRA)

MORDAZA, NIN DENTRO NIN FÓRA!!!
DIFUNDAMOS A LOITA DXS SEN VOZ!!!
SOLIDARIEDADE COXS PRESXS EN LOITA!!!

(1) Tirado de Esculca: Segundo narra o seu avogado Raúl López, tres foron as circunstancias que propiciaron o protesto de Guerrero Carvajal: As coaccións e malos tratos ós que, asegura, son sometidos Javier e os seus compañeiros, a ineficacia sanitaria e a habitual vulneración de dereitos fundamentais na cadea.

“En canto á desatención médica, o centro penitenciario negoulle a saída ao hospital para unha cirurxía prevista para o 9 de decembro, presuntamente, por falta de vehículo”, relata o letrado. Guerrero Carvajal sofre unha fibromialxia e inda está a padecer as secuelas de dúas folgas de fame que realizou no pasado.

En segunda instancia, Guerrero tiña concedido un permiso de saída para o día 30 de decembro que lle foi suspendido ao atoparlle, os funcionarios, un disckman na súa cela sen etiquetar, é dicir, sen o nome de propietario. “Malia que Javi dirixe varias alegacións perante o Valedor do Pobo, os Xulgados de Vixilancia Penitenciaria e a dirección do cárcere, incluíndo a declaración dun compañeiro que se identifica coma o verdadeiro propietario do aparato e doutro reo que apoia esta versión, inda non recibiu resposta”, explica López. Segundo afirma o propio preso, él e os presos que actúan de testemuñas están a padecer coaccións e malos tratos dos funcionarios para que retiren as alegacións.

Doutra banda, “as consecuencias dos xaxúns non se fan esperar”, asevera López. A quince días de iniciar a folga de fame, notifícanlle a Guerrero o seu inminente traslado a Sevilla. O avogado amosa a súa preocupación polo traslado, dado a extrema gravidade do seu estado de saúde. “Javi ten pendentes varias citas médicas e permisos de saída en Galicia. A súa partida dilataría enormemente ámbolos dous procesos; tería que comezar de novo”, aclara.

(2) Nota de Abordaxe.- Tal como están bombardeando nos falsimedios, non todos os presos receben o mesmo trato degradante. Algúns mesmo obteñen sen problema algún os beneficios òs que supostamente terían todos dereito como no caso de Jaume Matas ou Ortega Cano. A este respeito aconsellamos a leitura dos textos da APDHA “Los Tratos De Favor En Prisión: Dignidad Para Todas Las Personas” e de Salhaketa Nafarroa “Todas Las Personas Presas Son Chivos Expiatorios. Sí, También Los Corruptos”, ambos publicados no Boletín Tokata

Advertisements

8 Respostas to “URXENTE!! [Pontevedra] Hoxe 7 às 19:00′ Concentración diante do Hospital Provincial en solidariedade con Javi en Folga de Fame e Sede Indefinida”

  1. É unha pena non saber destas convocatorias polo menos con 1 día de víspera, para poder obter unha mínima resposta en condicións.

    • Pois sim é umha pena mas, mais bem, é umha constante no que respeita à situaçom das pessoas presas, dado que as comunicaçons som dificis desde dentro dos muros cara fóra.

      Além ante a urgència da situaçom do Javi é prioritária a convocatória urgente a deixa-lo passar um só dia para que tu te enteres e poideras assistir em condiçons.

      De todas as compas do Grupo de Apoio a Presxs en Loita Galiza Sur- CACT nos remitirom o correio ontem à meia tarde, mas como nom somos professonais dos meios, nom o vimos até hoje a primeira hora da manhã que foi quando publicamos com caracter de urgente.

      • relaxingcup Says:

        Sempre tas á defensiva rapás. Eu falaba das convocantes non de Abordaxe. Agardaba unha resposta así pola tua parte, e tamén imaxinaba que tiña que ver cos ritmos do preso en cuestión. Ou polo menos quería imaxinalo, porque realmente é case costume que este tipo de fallas veñan sempre da xente que organiza os eventos, exemplos sobran. Un pouco de cultura da organización e un pouco menos de simplismo e/ou cinismo á hora de interpretar determinadas formulas organizativas non xerarquicas fainos falta a todas, seriamos moito mais solidas e efectivas. Alégrome enormemente de terme trabucado neste caso. E por favor, menos mala baba, que aquí ninguen pretendeu deixar pasar un so día para poder acudir en detrimento do represaliado. Aquí falouse de anunciar con mais anticipación a convocatoria, Que non podía ser? Pois non pasa nada.

  2. Vale, igual tês algo de razom, mas ainda nom sei qual parte.

    Em 4 de janeiro Abordaxe (umha vez de volta) publicou a notícia ( https://abordaxe.wordpress.com/2015/01/04/cp-a-lama-javi-guerrero-en-folga-de-fame-indefinida-dende-o-12-de-decembro-comunicado/) de que o Javi se pugera em greve de fame, notícia que já fora recolhida em vários sites da rede e onde se fazia constar as suas razons para e-lo e se fazia um chamado solidário para que a gente enviara faxes.

    Depois se passou o que se passou (Instituiçons Pentenciárias começou a coaçonar as testemunhas) e o Javi decidiu incrementar a sua greve fazendo-a também de sede o que o levou a ter que ser ingressado no hospital dada a sua situaçom crítica e as compas do Grupo de Apoio a Presxs en Loita Galiza Sur- CACT convocaram a concentraçom em quanto souberom de-la.

    Qual é, segundo tu, a falha da gente que organizou esse “evento”?? Porque igual a má baba nom me cae a mim nem às organizadoras precisamente.

    • relaxingcup Says:

      Neste caso non hai ningunha falla por parte de ninguen, xa o dixen no anterior comentario no que ou ben non me expresei con claridade, ou ben ti non quixeche comprender: “Imaxinaba que tiña que ver cos ritmos do preso en cuestión”, “alegrome de terme trabucado neste caso”.

      O da mala baba refírome a ti. Porque querer convertir o que eu dixen: “estaría ben difundir estas convocatorias con anticipacion para obter unha mínima resposta en condicions”

      Interpretalo como:”Deixar pasar un so día para que eu me entere e poida asistir en condicións”

      Hai un treito. Imaxino que esta explicación tampouco te servirá e terei que desenvolver unha explicación de cal é o treito que hai entre unha cousa e outra. Se é así, non hai fallo, agardo por ti e os teus estrógenos.

      De tódolos xeitos non sei porque tanto interese en sacarlle punta a todo canto se comenta neste blogue. Estás en todas e cada unha das novas que se comentan, e ás veces das un trato mi poco apropiado para ser un

      • relaxingcup Says:

        Perdón, remato o que qedou inacabado no anterior comentario: “moi pouco apropiado para ser un administrador”

        Sen actitudes.

      • relaxingcup Says:

        Ahaha, e ágora escribín mal quería dicir “sen acritudes”

  3. […] como xa vos comentáramos, o compañeiro Javi Guerrero, preso do CP de A Lama, leva dende o día 5 ingresado no hospital […]

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

%d bloggers like this: