[Compostela] Esculca organiza um curso gratuito de segurança e privacidade digital para ativistas

logo

Em ESCULCA consideramos que nom é possível exercer as liberdades civis e políticas quando a actividade militante e a expressom dissidente som sistematicamente vigiadas, registadas e controladas polo poder. Observamos com preocupaçom crescente como o Estado Espanhol intensifica e afina o leque de medidas repressivas e de controlo destinadas a intervir no mundo digital.

De um tempo a esta parte, a digitalizaçom das comunicaçons, dados e actividades que se realizam cada dia no seio dos movimentos sociais, tem sido acompanhada polo aumento da capacidade dos Estados e as empresas para espiar e controlar as nossas vidas. Os computadores, a Internet e os smartphones tenhem-se convertido nos principais aliados do activismo social, mas também no meio mais fácil para que os inimigos da liberdade espiem e interfiram essa actividade. É por isso que, em colaboraçom com Bitnós, ESCULCA organiza no próximo mês de Janeiro um curso gratuito de formaçom em segurança e privacidade informática dirigido a activistas dos movimentos sociais galegos.

Trata-se dum curso intensivo, teórico e prático, que servirá para achegar às pessoas participantes umha formaçom elementar sobre cifrado dos dados e das comunicaçons, eliminaçom segura de dados, uso anónimo e seguro da internet e ameaças à privacidade da militáncia e a actividade dissidente na era digital. A formaçom terá lugar em Compostela entre os dias 20 e 22 de Janeiro, tendo umha duraçom de 20 horas repartidas em 5 sessons: sexta-feira dia 20 de 16:00 a 20:00, e sábado 21 e domingo 22 de 9:30 a 13:30 e de 16:00 a 20:00.

É condiçom necessária para a participaçom no curso poder assistir às cinco sessons. Cada entidade interessada em participar poderá inscrever umha pessoa (o curso tem um límite de 20 participantes). Recomendamos que esta pessoa tenha algum conhecimento no uso de ferramentas informáticas a nível de usuária, para tirar um proveito maior do curso. As inscripçons devem fazer-se mediante correo electrónico a privacidade_digital@esculca.gal antes do dia 14 de Janeiro de 2017.

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

%d bloggers like this: