Aparece morto Emilio Pinto, fundador e ex presidente da Fundaçom O´Belen, responsável dos centros de detençom de minores

 

“Omnia mors aequat”. A morte a todos iguala. Tanto morre o papa como quem nom tem capa. 

Emilio Pinto era conhecido por ser o fundador e presidente (até 2010) da Fundación O´Belen. Foi atopado morto na sua casa no passado 31 de agosto, em circunstâncias ainda por esclarecer.

O bo de dom Emilio viu-se obrigado a dimitir tras a clausura de vários dos centros que geria polos maus tratos que neles sofriam os crios e as crias que estavam lá encirradas baixo sua custódia. Centros como Casa Joven, Nuestra Señora de la Paz, La Jarosa ou Picón del Jarama gravaram com seu sangue o seu nome na crónica negra do estado espanhol baixo a gestom de O´Belen.

Queremos fazer especial finca-pé no legado que, a través da sua fundaçom, deixou este bo cristão:exploraçom laboral, persecuçom sindical,represom, maus tratos e tortura. E como nom sempre se cumpre o dito de “morto o cam acabou-se a raiva”, reafirmamo-nos no nosso compromiso com os direitos da infância. Nom imos parar até acadar uos serviços sociais públicos, democráticos e de qualidade.

Ante o lutuoso sucesso que hoje nos ocupa, queremos render umha sentida homenagem a todas as vítimas da Fundaçom O´Belen, com especiais agarimos a David, Hamid e Saray.

Fonte: blogue do Colectivo No a O´Belen

Traduçom: O gajeiro na gávea